- საერთაშორისო დასახელება (აქტიური ნივთიერება): comb. drug
- კლინიკურ-ფარმაკოლოგიური ჯგუფი: ცენტრალური ნერვული სისტემა → თავის ტვინის მეტაბოლიზმის გასაუმჯობესებელი საშუალებები → ნოოტროპული პრეპარატები
- მწარმოებელი კომპანია:Healtherco
- მწარმოებელი ქვეყანა: აშშ
- გამოშვების ფორმა: კაფსულა#30
- გაცემის რეჟიმი: III ჯგუფი (ურეცეპტოდ)
შემადგენლობა: კრაზანა (St.jon’s wort)- 250 მგ;
გლუტამინი (Glutamine) – 150 მგ;
ფოსფატიდილსერინი (Phosphatidylserine) – 125 მგ;
ბაკოპა მონიერა (Bacopa Monniera)- 120 მგ;
გინგკო ბილობას ფოთლების ექსტრაქტი (Gingko biloba) – 50 მგ;
L-კარნიტინი (L- carnitibe) – 50 მგ;
ჰუპერზინ-A (Huperzine-A)- 10 მგ;
α-გლიცერილფოსფორილქოლინი(Alpha GPC) – 5მგ.
გამოყენების სფერო:
• ქრონიკული ცერებრო – ვასკულარული დარღვევების გაუმჯობესება (დისცირკულატორული ენცეფალოპათია);
• იშემიური და ჰემორაგიული ინსულტის რეაბილიტაციის პერიოდის ხელშეწყობა;
• ნეიროსენსორული დარღვევების გაუმჯობესება (თავბრუსხვევა, ყურებში შუილი, ჰიპოაკუზია);
• ახალგაზრდა ასაკის პირებში ყურადღების კონცენტრაციის და მეხსიერების გაუმჯობესება;
• პერიფერიული სისხლის მიმოქცევის, მიკროცირკულაციის, ქვემო კიდურების არტერიო და ვენოპათიების, რეინო სინდრომის სიმპტომების გაუმჯობესება;
• ჰემოფტალმის, სხვადასხვა ეტიოლოგიის სისხლჩაქცევების ბადურაში,, დიაბეტური და ჰემორაგიული რეტინოპათიების მკურნალობის ხელშეწყობა.
გინგკო ბილობას – ფოთლების ბიოლოგიურად აქტიური ნივთიერებები (ფლავონური გლიკოზიდები, ტერპენული ნაერთები)ხელს უწყობენ ნერვული იმპულსების გატარებას; ყურადღების კონცენტრაციის გაზრდას და მეხსიერების გაუმჯობესებას, არეგულირებენ სისხლის მიმოქცევას ცენტრსა და პერიფერიაზე, თრგუნავენ თრომბოციტების აგრეგაციას და აუმჯობესებენ მიკროცირკულაციას. გინკგო ბილობა არის ძლიერი ანტიოქსიდანტი. კრაზანას – ყვავილების ექსტრაქტის შემადგენლობაში შემავალი წითელი პიგმენტი ჰიპერიცინი და ფლავონოიდი ქვერცეტინი გამოირჩევიან ანტისტრესული, ანტიდეპრესანტული, დამამშვიდებელი ზემოქმედებით ორგანიზმზე. ბაკოპა მონიერი – მცენარეული საშუალება ზრდის ნეირონების სიცოცხლის ხანგრძლივობას. ხელს უწყობს სხარტი აზროვნების ჩამოყალიბებას, აუმჯობესებს კოგნიტურ ფუნქციებს, დასწავლის პროცესებს, ვიზუალური ინფორმაციის აღქმას და ტრანსფორმაციას. L-გლუტამინი – ორგანიზმში სინთეზირებადი ყველაზე მნიშვნელოვანი ნეირომედიატორული ბუნების ამინომჟავა. ააქტიურებს აგზნების გადაცემას ცნს-ის სინაფსებში, მონაწილეობს ცილის სინთეზში და თავის ტვინში მიმდინარე სხვადასხვა ბიოქიმიურ პროცესებში. ფოსფატიდილსერინი – უჯრედული მემბრანის სტრუქტურული ფოსფოლიპიდი, მაღალეფექტური ნატურალური ნეირომეტაბოლური საშუალება,ხელს უწყობს ნერვული ქსოვილის მუშაობას-ნერვული უჯრედების დაყოფასა და ზრდის დარეგულირებას; ასტიმულირებს აცეტილქოლინის სინთეზს და ააქტიურებს ქოლინერგულ პროცესებს თავის ტვინში; ხელს უწყობს ნერვულ უჯრედებში გლუკოზის მეტაბოლიზმს და ზრდის მათ მდგრადობას იშემიური დაზიანების მიმართ. L – კარნიტინი – ვიტამინისმაგვარი ნივთიერება, მთავარ ფიზიოლოგიურ დანიშნულებას წარმოადგენს გრძელჯაჭვიანი ცხიმოვანი მჟავების ტრანსპორტირება უჯრედული მემბრანის გავლით მიტოქონდრიულ მატრიქსში, სადაც ხდება ცხიმის დაშლა და უჯრედისთვის სასიცოცხლოდ მნიშვნელოვანი ენერგიის გამოთავისუფლება ატფ – ის სახით. L -კარნიტინი მნიშვნელოვნად აუმჯობესებს გულის კუნთის კუმშვადუნარიანობას და აუმჯობესებს მის ენერგომომარაგებას. ავლენს ნოოტროპულ მოქმედებას, როგორც ძლიერი ანტიოქსიდანტი ხელს უწყობს ნივთიერებათა ცვლის პროცესში დაგროვილი თავისუფალი რადიკალების გამოდევნას ორგანიზმიდან.
ჰუპერზინ – A წარმოადგენს აცეტილქოლინესთარაზას (აცეტილქოლინის დამშლელი ფერმენტი) ინჰიბიტორს, ზრდის აცეტილქოლინის რაოდენობას, აუმჯობესებს მეხსიერებას და დასწავლის პროცესს. –გლიცერილფოსფორილქოლინი (გფც) – ნეირომედიატორი აცეტილქოლინის პრეკურსორი, ზრდის აცეტილქოლინის რაოდენობას თავის ტვინში, აუმჯობესებს ნერვ- კუნთოვან გადაცემას, მნიშვნელოვან როლს თამაშობს დასწავლის და მეხსიერების გაუმჯობესების პროცესში
მიღების წესი და დოზირება: მიიღება 1 -2 კაფსულა დღეში
გაფრთხილება და შენახვის პირობები: საკვები დანამატი არ უნდა იქნას გამოყენებული მრავალფეროვანი და დაბალანსებული დიეტისა და ჯანსაღი ცხოვრების წესის შემცვლელად. არ გადააჭარბოთ დღიურ დოზას, ინახება მშრალ, ბნელ, ბავშვებისთვის მიუწვდომელ ადგილას.
უკუჩვენება: კომპონენტების მიმართ ჰიპერმგრძნობელობა;
ორსულობის და ლაქტაციის პერიოდი.
